Дастан Сәтпаев секілді тағы бір талант табылды
Ирландиялық «Шемрок Роверс» клубының шабуылшысы Майкл Нунан еурокубоктердің негізгі кезеңінде гол салған ең жас ойыншы атанды (16 жас 197 күн).
Ирландия елінің жас таланты кеше Конференциялар лигасының 1/16 финалының бірінші матчында «Мольденің» қақпасына гол соғып, командасына жеңіс сыйлады.
Айта кетейік, осыған дейінгі рекорд Ромелу Лукакуге тиесілі болатын ( 16 жас 218 күн). Сондай-ақ, еурокубоктерде гол салған ең жас ойыншылардың қатарында Ламин Ямальдің есімін де айта кету керек. «Барселонаның» жартылай қорғаушысы (17 жас 68 күн) ЧЛ-ның матчында өз есімін таблоға жазған еді.
Майкл Нунан «Шемрок Роверс» сапын жақында ғана толықтырған. Осыған дейін «Сент-Патрикс» жейдесінде өнер көрсеткен. Енді жас талант бір аптадан кейін «Мольдеге» қарсы қарымта ойында өзінің командасына көмектеспек.
Естеріңізде болса, 16-жастағы Дастан Сәтпаев «Челсимен» келісімшартқа отырды. «Қайрат» академиясының түлегі кәмелетке толғанша алматылық клуб сапында доп тебе тұрмақ. Қазақстан жастар құрамасының ойыншысын 18-ге толғанша «Челсиден» келетін арнайы маман дайындап, жетілдіреді.
Біздің серіктес: FONBET