«Барселонаның» бразилиялық экс-қорғаушысы Дани Алвес каталондық клубтың 20 жастағы жаңадан келген америкалық ойыншысы Серджиньо Дест туралы пікірімен бөлісті.
«Егер маған Дестке кеңес беруді өтінсе, бұл өте қарапайым болады: допты Лионель Мессиге беріңіз.
Серджиньо Десттің көптеген қасиеттері бар, оның «Барселонада» жетістікке жетуге барлық мүмкіндігі бар, бірақ мен салыстыруды ұнатпаймын. Мені кезінде Кафумен салыстыратын еді. Мұндай салыстырулардың мағынасы жоқ», - деді Дани Алвес Goal.com сайтына берген сұхбатында.
Еске салайық, Серджиньо Дест биылғы жылдың қазан айында «Аякстан» 21 миллион еуроға ауысып келген болатын. Каталондық клубтың құрамында 20 жастағы қорғаушы барлық турнирлерде 9 кездесуге қатысып, нәтижелі әрекетпен көзге түскен жоқ.
Біздің серіктес: FONBET