Бүгін Бахтиер Зайнутдинов тағы да толық матч өткізуі мүмкін
Біздің уақытпен 21:00-де Түркия Суперлигасының 19-турының аясында «Бешикташ» пен «Бодрумспор» кездеседі
Алаң иелерінің сапында Бахтиер Зайнутдинов алаңға негізгі құрамда шығып қалуы ықтимал. Қазақстан құрамасының футболшысы стамбулдық клуб сапында соңғы екі ойынды негізгі құрамда бастап, тоқсан минут бойы ойнап шыққан. Отандасымыз осы жолы да толық матч өткізеді деп сенейік. Айта кетейік, бұл 26-жастағы ойыншының соңғы 11 айдағы ең сәтті сериясы. Биылғы маусымда жартылай қорғаушы стамбулдық ұжым сапында түрік Суперлигасында 7 ойынға қатысты, ал жалпы барлық турнирлерде 10 ойында өнер көрсеткен. Еуропа Лигасының негізгі кезеңіндегі сырт алаңда болған «Буде/Глимт» - «Бешикташ» матчында ассист берді.
«Бешикташ» турнирлік кестеде 27 ұпаймен 6-орынға жайғасса, «Бодрумспор» 17-орында. Бұл бәсекені тікелей эфирде Sport Plus Qazaqstan арнасының сайтынан тамашалауға болады.
Біздің серіктес: FONBET