Француз шабуылшысы Маркус Тюрам "Боруссия Мёнхенгладбахтағы" сәтті ойынымен ірі еуропалық клубтардың назарын аударды.
Bild басылымының хабарлауынша, форвардтың қызметіне "Барселона", "Манчестер Сити" және "Ювентус" қызығушылық танытып отыр. Бұған дейін "Ливерпуль" мен "Реал Мадридтің" де 23 жастағы футболшыға қызығушылық білдіргені туралы хабарланған болатын. Шабуылшы 2019 жылдың жазына дейін "Генгамда" ойнады.
Осы маусымда Тюрам "Боруссия" үшін 10 матчқа қатысып, 3 гол соқты және 5 нәтижелі пас берді. Сонымен қатар, футболшы алғаш рет Франция құрамасының алдағы халықаралық матчтарына шақырту алды.
Маркус Тюрам - Францияның бұрынғы қорғаушысы Лилиан Тюрамның ұлы, ол клуб деңгейінде "Монако", "Парма", "Ювентус" және "Барселона" клубтарында ойнаған.
Біздің серіктес: FONBET