Бағдат Қайыров: команда қатарын тағы да жаңа футболшылар толықтырады
«Ақтөбенің» қорғаушысы Бағдат Қайыров клубтың маусымға дайындығы жайлы айтты.
Сондай-ақ, Қазақстан құрамасының ойыншысы ақтөбелік ұжым қатарына жергілікті жастарды тарту мәселесін де тілге тиек еткен.
«Бізде селекциямен жұмыс істелуде. Бас бапкердің айтуынша, команда қатарын әлі де толықтыратын жаңа футболшылар болады. Солармен бірге күшейе түсеміз деп үміттенемін. Меніңше, қазіргі жағдай жас футболшыларға үлкен мүмкіндік. Командадағы жастардың өздерін көрсетуге қазір тамаша мүмкіндік туып отыр. QJ League-дан (Қазақстан жасөспірімдер лигасы) бірнеше жас ойыншы жүр. Балалар шамалары келгенше тырысуда. Ақтөбенің жастары біздің болашағымыз дейміз. Олар үшін бұл үлен тәжірибе деп айтуға болады. Үлкен үміт артамыз, бастысы әр кездесуден керегін алып, қатемен жұмыс істеп, алға ұмтылулары қажет», - деген болатын ақтөбелік қорғаушы.
Айта кетейік, Игорь Леоновтың командасы қазір оқу-жаттығу жиындарын өткізуде. «Ақтөбе» былтыр ҚПЛ-ді үшінші орынмен аяқтап, Қазақстан Кубогін еншілеп кетті. Енді ел атынан жазда Еуропа Лигасының іріктеу кезеңдеріне бақ сынамақ.
Біздің серіктес: FONBET