"Астанадан" тағы бір шабуылшы кетеді

KazFootball.kz сайтының хабарлауынша, "Астана" ФК-ның шабуылшысы Юрий Перцух "Атырау" сапына ауысуы мүмкін.   Өткен маусымда Премьер-Лигада алғашқы матчын "Ақжайық" құрамында өткізген 22 жасар шабуылшы, осы маусым алдында "Астанаға" ауысқан болатын. Елордалықтар сапында Перцух 6 ойын өткізіп, 1 гол соққан. Ақпарат бойынша, шабуылшының қандай жағдайлармен клуб ауыстыратыны белгісіз. Бір білеріміз, еурокубоктік кездесулер үшін тәжірибелі орындаушылармен қатарын күшейткен "Астана" ФК-да барлық ойыншыларға алаңнан орын табу қиын.