Ақтөбе-Ордабасы командаларының өзара кездесу тарихын назарларыңызға ұсынамыз 

  17 маусым күні Футболдан 2018 жылғы Қазақстан чемпионатының 14-ші турында «Ақтөбе» Қобыланды батыр атындағы Орталық стадионда Шымкенттің «Ордабасы» командасымен кездеседі. Ойын Ақтөбе уақыты бойынша 20:00-де басталады. ТУРНИРЛІК КЕСТЕДЕГІ ОРЫН Қазақстан чемпионатының 13-ші турынан кейін «Ақтөбе» 8 ұпай жинап (ФИФА-ның шешімімен 6 ұпай алынды) 12-ші орында тұр, «Ордабасы» 19 ұпаймен 4-ші орынға жайғасқан. ӨЗАРА КЕЗДЕСУЛЕРІ «Ақтөбе» мен «Ордабасы» 48 ресми ойында жолыққан, 44 ойын Қазақстан чемпионатына келсе, 4 матч Кубок жолында ойналған. Бұл ойындарда «ақ-қызылдар» 26 рет жеңген, 9 рет жеңілген, 13 -ойын тең аяқталған. Жалпы доп айырмасы: 75-42, біздің командамыздың үлесі басым. Командалар чемпионатта 44 ойын өткізген. 23 ойында «Ақтөбе» жеңген, 9 – «Ордабасы», 12 ойын тең. Доп айырмасы: 66:40. ӨЗ АЛАҢЫМЫЗДАҒЫ ОЙЫНДАР СТАТИСТИКАСЫ Ақтөбеліктердің алаңында 22 ойын өтті. 14 ойында «Ақтөбе» жеңген, 7 матчта тең есеп тіркелген, «Ордабасы» 1 ойында жеңген. Доп айырмасы: 38:15, алаң иелері алда. «ОРДАБАСЫНЫҢ» ЕҢ НӘТИЖЕЛІ ОЙЫНШЫЛАРЫ Жартылай қорғаушы Абдуллаи Диакате – 3 доп; Шабуылшы Еркебұлан Тұңғышбаев – 3 доп; Жартылай қорғаушы Джамбул Джигаури «Джаба» – 2 доп; Жартылай қорғаушы Тимур Досмағамбетов – 2 доп; Шабуылшы Нагаев Иван – 2 доп; ОЙЫННЫҢ ӨТЕТІН ОРНЫ МЕН УАҚЫТЫ Ойын жексенбі, 17 маусым күні Ақтөбе қаласының Қобыланды батыр атындағы Орталық стадионында өтеді, Ақтөбе уақыты бойынша 20:00-де басталады. Синоптиктер матч уақытында ауа-райының 20 градус, нөлден жоғары, бұлтты болатындығын болжауда. ТЕЛЕТРАНСЛЯЦИЯ «Ақтөбе»-«Ордабасы» матчының тікелей көрсетілімі Қазақстан Кәсіпқой футбол лигасының «PFLK TV» ресми арнасында өтеді. Трансляция 19:50-де басталады.

«Ақтөбе» ФК баспасөз қызметі.