Елордалық "Астананың" бас бапкері Андрей Тихонов клубтың баспасөз қызметіне берген сұхбатында Премьер-лиганың 4-турында "Атырауға" қарсы өткен матч (6:2) туралы өз пікірімен бөлісті.
- Өкінішке орай, матч біз үшін өте нашар басталды, қарапайым жағдайларда көптеген қателіктер жасап, қақпамызға гол өткізіп алдық. Есеп 0:1 болғаннан кейін, ойынды бақылауға алып, көптеген мүмкіндіктер жасадық, одан да көп гол соғуға болар еді, бірақ шабуылда салқынқандылық жетіспеді. Екінші таймда қауіпті сәттер тұрғысынан қарағанда қос команданың деңгейі бір болды. Біз де, қарсылас та бұдан да көп гол соға алатын еді, бірақ қақпашымыз өте жақсы ойнады. Жалпы мен бұл жеңіске, әсіресе жігіттердің жаттығудағы нұсқауларды орындай бастағанына өте қуаныштымын.
– Бүгін сіз барлық бес ойыншыны алмастырдыңыз, олардың кем дегенде біреуі нәтиже көрсетті – алмасып шыққан Мұртазаев екі голмен және нәтижелі паспен көзге түсті. Алмасып шыққан ойыншыларға көңіліңіз толды ма?
- Өкінішке орай, барлық алмастырулар біз жоспарлағандай болмады. Бірақ біз жаңа команда құрып жатырмыз, дәл сол Айымбетов "Астана" үшін небәрі екінші матчына қатысты, Кике Кадете енді ғана дебют жасады, Қуат пен Чуперкаға да әлі біздің футболға толықтай бейімделу керек. Алдымызда әлі көп жұмыс күтіп тұр, бірақ біз болашаққа сеніммен қараймыз!
Біздің серіктес: FONBET