Абзал Бейсебеков: «Жеңіске жету үшін қолдан келгеннің барлығын жасаймыз»
Еуропа лигасының плей-офф кезеңіндегі «Астана» мен АПОЭЛ арасындағы қарымта кездесу алдында елорда командасының қорғаушысы Абзал Бейсебеков журналистер сұрағына жауап берді.
- Біз ойынға толықтай дайынбыз. Жанкүйерлердің қызу қолдауының арқасында жеңіске жетіп, келесі кезеңге жолдама аламыз деген үміттемін.
— Роман Григорчуктың уақытша қызметінен кетуіне байланысты жаттығу жұмыстарында қандай өзгерістер орын алды?
— Біз өзіміздің соңғы жылдарда ойнап келе жатқан ойынымызды ойнауға тырысып жатырмыз. Роман Иосифович өзінің тактикасын бізге ұғындыруға тырысты. Алайда, ол біздің оң жамбасымызға келген жоқ.
— Антонио Рукавинамен бәсекелестік туралы ойыңызды білдірсеңіз?
— Бұл мен үшін үлкен тәжірибе. Ол Сербия ұлттық құрамасы сапында Әлем чемпионатына қатысқан және Еуропаның белді клубтарында ойнаған тәжірибелі футболшы.
— Кипрдағы ойында командаға не жетіспеді?
— Менің ойымша сәттілік жетіскен жоқ. Бізде гол соғатын өте көп мүмкіндік болған еді.
— АПОЭЛ командасының мықты жаққтары қандай?
— АПОЭЛ — өте жақсы команда. Дегенмен, біз өз алаңымызда өте жақсы өнер көрсетеміз. Ертеңгі кездесуде жеңіске жету үшін, қолдан келгеннің барлығын жасаймыз.
fcastana.kz
Біздің серіктес: FONBET