«Астанамен» келісім-шарт жасасқан Абат Айымбетов жақын арадағы матчтардың бірінде дебют жасауы мүмкін. Осы орайда Қазақстан құрамасының шабуылшысы өзінің жаңа клубының баспасөз қызметіне сұхбат беріп, пікір бөлісті:
- Мен, бірінші кезекте, «Крылья Советов» басшылығына рахмет айтқым келеді. Себебі олар маған Ресей клубтарының бірінде өз күшімді сынап көруге мүмкіндік берді және «Астанаға» жалға жіберді. Мен үшін ойнау өте маңызды және «Астана» маған сол мүмкіндікті беріп отыр. Мен келісім-шартқа қол қоймас бұрын клубтың бас бапкерімен және атқарушы директорымен сөйлестім, олар мені қолдап, клубқа керек екенімді жеткізді. Өз кезегінде алғысымды алаңдағы ойыныммен білдіруге тырысамын! Маған сенім артқан барша адамның үмітін ақтаймын деп үміттенемін!
Біздің серіктес: FONBET